Баҳриддин Зуҳриддиновнинг “Дуторим” таронасига ишланган видоклип
Эл назарига тушиш санъаткордан нафақат истеъдод, балки ижодга бўлган маъсулият, тинимсиз меҳнатни талаб этади. Янги қўшиқ тайёрлагач, унга видеомаҳсулот яратиб кенг оммага тақдим этилгунига қадар анча ижодий жараён кечиши барчага аён. Мухлисларининг меҳри ва эътибори ана шу машаққатларни ўрнини босади, зеро санъаткорнинг асл мақсади ҳам шудир.
Эътиборингизга бугун яна бир ижодкорнинг янги видеоклипи тақдим этилмоқда. Хонанда Баҳриддин Зуҳриддиновнинг “Дуторим” номли таронасига ишланган клип Абдулазиз Турғунов режиссёрлигида суратга олинган.
Қўшиққа тўхталадиган бўлсак, “Дуторим” қўшиғининг сўзи ва мусиқаси муаллифи Уйғун Алматов, аранжировкани Аҳлиёр Азимов амалга оширган.
Ўйлаймизки, Баҳриддиннинг навбатдаги ижод маҳсули мухлисларига манзур келади. Марҳамат томоша қилинг ва баҳо беринг.