Шаҳло Аҳмедова "Ёдимда ўзинг" клип жараёнларидан фоторепортаж
Куни кеча Шаҳло Аҳмедованинг “Ёдимда ўзинг” номли янги қўшиғи учун видеоклип суратга олинди. “Ўзбегим таронаси” радиосида премьера этилган мазкур тарона хонанданинг мухлислари қалбидан жой олиб улгурган.
Таниқли клипмейкер Ёдгор Носиров режиссёрлигида тасвирга олинган видеоклип трек йўналишида яратилмоқда. Турли образларда намоён бўлган Шаҳло бу клип учун бир нечта махсус либослар ҳозирлаган.
“Ёдимда ўзинг” номли тарона истеъдодли ижодкор Азиза Низомова сўзи ва мусиқаси билан яратилган бўлиб, Жасур Бадалбоев сайқал берган.
Ўзига хос услубда тасвирга олинган клипда Шаҳло доимгидек ўзининг гитарасини қўлига олади. Табиийки, бошқа аёл хонандалардан фарқли равишда клипларида гитара чалиб чиқадиган Шаҳло янада жозибали кўринади десак адашмаймиз. Янги клип премьераси албатта бизнинг сайтимизда бўлиб ўтади. Кузатиб боринг ва ўтказиб юборманг.
