Зоирбекдан мухлислари учун туҳфа
Ўзига хос видеоклиплари билан кўпчиликнинг кўнглидан жой олиб улгурган ёш хонанда Зоирбек бугун ижодидаги энг янги тарона ва унга ишланган видеоклипини ўз мухлисларига ҳушнуд этмоқда. FM 101.0 тўлқинида Зоирбек ижросидаги “Ёр айла” номли янги қўшиғи премьера бўлиши билан сайтимиз орқали унга яратилган клип эътиборингизга ҳавола этилди.
“Ёр айла” номли таронанинг матни, мусиқаси ва аранжировкаси Сиёвуш Рамазоновга тегишли бўлиб, қалбга яқин оҳангларни ўзида жо этган.
Янги қўшиқ учун клипмейкер Рауф Набиев ажойиб видеоклип суратга олган. Графикадан кенг фойдаланган ҳолда яратилган клип ноанъанавий кадрлардан иборат бўлиб, тасвирга олиш ишларидан ташқари график ишлов бериш учун икки ойга яқин вақт сарфланган.
Айтганча, Зоирбекнинг мухлислари учун яна бир янгиликни айтиб ўтишимиз лозим. Айни вақтда хонанданинг шаҳсий сайти ишга тушди. zoirbek.uz сайти орқали Зоирбек ижодидаги янгиликлардан хабардор бўлишингиз мумкин бўлади.