Зиёда янги клип тасвирга олдирди
Ўзбекистонда хизмат кўрсатган артист Зиёда “Иккимиз” деб номланган таронасига видеоклип тасвирга олдирди. Сарвар Каримов режиссёрлигида суратга олинаётган клип трек ва сюжет жанрида. Яратилаётган видео асарнинг треки аввалроқ, сюжет эса куни кеча тасвирга туширилди.
Унда бош ролларни Райҳон Уласенова ҳамда Рихситилла Абдуллаев ижро этишмоқда. Шунингдек, Фаррух Аҳмедов ҳам қатнашган. Клипда операторлик вазифасини Иззат Лутфуллаев бажарди.
Таронанинг муаллифларига тўхталадиган бўлсак, сўзи ва мусиқаси Баҳодир Низомовга тегишли. Аранжировкаси устида Умид Обидов иш олиб борган.
Тез кунда бу клипни сайтимиз орқали биринчилар қаторида томоша қилиш имконига эга бўласиз. Ҳозирча суратга олиш жараёнидан тақдим этилган фотосуратлардан баҳра олинг.
