Сардор Мамадалиев ижодидаги давомли клип премьераси

Бугунги кунда нафақат катта ёшдаги, балки ёшлар орасида ҳам ўз мухлислари сонини орттириб бораётган Сардор Мамадалиев яқинда янги қўшиқ тақдим этганди. Бугун эса унинг видеоклипининг премьерасини қарши олинг. 

Марҳум Муҳаммад Юсуфнинг “Кўнглимда бир ёр” дея аталган шеъри асосида ёзилган тарона айни пайтгача мухлислар дилидан жой олишга улгура олди.

 

Мазкур таронага ишланган видеоклип эса Сардор Мамадалиевнинг ундан аввал яратилган “Ажралишдик” клипининг мантиқий давоми ҳисобланади. 

 

Худди ўша ижодкорлар, яъни Хуршид ва Нодир Собировлар янги клипни суратга олишда иштирок этишди. 

“Ажралишдик” клипида тақдири икки томонга тарқалган қалб эгалари ҳаёти тасвирланганди. Янги “Кўнглимда бир ёр” видеосида эса мазкур тақдирларнинг кейинги ҳаёти тасвирланади. 

Клипда аввалги видеодан айрим лавҳалар ҳам қўлланилган. 

Мазкур клипдан баҳраманд бўлинг ва муносиб баҳоланг.