“Уммон” гуруҳи Россиядаги мухлисларини хушнуд этишади

Яқиндагина “Ҳеч қачон” номли таронани тақдим этган “Уммон” гуруҳи йигитлари куни кеча гастроль сафари билан анча узоқ мамлакатга йўл олишди. 

Яккахон концерт дастури Россиянинг бир қатор шаҳарларида ўтказилиши режалаштирилган.

Демак, эндиликда “Уммон” гуруҳининг Ўзбекистондан ташқаридаги мухлислари ҳам уларнинг шоу концерт дастурларидан баҳраманд бўлишлари мумкин.

2 ҳафтадан ортиқ вақт мобайнида гуруҳ вакиллари Россияда бўлишади. Ҳар бир концертдан олинган эксклюзив фотосуратлар эса сайтимизга жойлаштириб борилади.