Зоирбекдан баҳорий тарона ва клип
Ёш ва истеъдодли хонанда Зоирбек шу вақтгача яратган қўшиқлари ва клиплари билан анча мухлислар орттиришга эришган. Бугун сайтимиз орқали мухлислар учун махсус туҳфа сифатида Зоирбек томонидан тақдим этилаётган навбатдаги ижод намунасини қарши олинг!
"Ёшлик" дея номланган қўшиқ ва унга ишланган видеоклип бир вақтнинг ўзида эътиборингизга ҳавола этилмоқа. Мазкур таронанинг сўзи Камронга тегишли. Аранжировка муаллифи эса Саидумар Имомхўжаевдир.
Баҳорий кайфият ва ёқимли ҳислар ҳадя эта оладиган қўшиқ сизга ҳам маъқул бўлиб, тез орада мусиқий тўпламингиздан жой эгалласа ажаб эмас.
Бундан ташқари, бугун сайтимиз орқали мазкур тарона учун ишланган видеоклипни ҳам томоша қилиш имкониятига эгасиз. Қизиқарли сюжет гувоҳи бўлишни истасангиз, мазкур клипни хозироқ томоша қилишингизни тавсия этамиз.
Клип Рауф Набиев томонидан тайёрланган бўлиб, унда кўзга кўринган актёрлар ҳам иштирок этишган. Марҳамат, томоша қилинг ва баҳо беринг!