“Ladies show” ... Ўзбекистонда илк бор аёллар ҳажвий шоу дастури ўтказилади

Бугунги кунда шоу бизнес оламидаги барча янгиликлар ва шу қаторда шов шувли хабарлар Instagram ижтимоий тармоғи орқали кенг тарқалаётгани ҳеч кимга сир эмас. Шулар қаторида бир неча кун аввал яна кўпчиликнинг эътиборини тортадиган “Ladies show” “Энг гўзал табассум соҳибалари учун!” шиори остида шоу бизнес вакилларининг суратлари пайдо бўлди.

 

Албатта, навбатдаги фотосуратлар барчани қизиқтириб, эстрадамизнинг ёрқин намоёндалари яна нимани бошлашди экан деган саволлар туғила бошлади. Бугун эса буларнинг барчасини аён қилиш вақти етди. ART centre томонидан UZTE Бош ҳомийлигида Ўзбекистонда илк бор аёллар ҳажвий шоу дастурини ўтказиш мақсадида эл ардоғидаги севимли киноактрисалар саралаб олинди ва улар иштирокида кутилмаган ҳақиқий маънодаги Шоу дастур тайёрланди.

Лойиҳада Шаҳзода Матчонова, Наргиза Абдуллаева, Севара Солиева, Муножот Алимбаева, Наргиза Салмонова каби 15 нафар таниқли актрисалар шунингдек эстрадамиз юлдузлари иштирок этишади.

 

Мазкур лойиҳанинг муаллифлари Абдумалик Юнусов, Замира Бешимова, Ҳикматилла Пиржоновлар. Илк дастур 21 февраль куни 19:00 да “Зарафшон” концерт залида бўлиб ўтади ва мунтазам равишда ҳар ойда ўтказилади. Илк эфир вақти 8 март куни MY 5 канали орқали гўзал аёлларга туҳфа қилинади.