29-30 январь ''Йил қўшиғи-2014'' ўзбек санъати олами вакиллари учун катта байрам ва қувончли кун сифатида ёдда қоладиган бўлди
29-январь куни, ''Йил қўшиғи-2014'' мукофоти гала-концертининг биринчи куни, кеча эса концертнинг иккинчи куни яъни давоми бўлиб яна ўнта ғолиб қўшиқлар аниқланди.Концерт репертуари кечаги каби Умидаҳон ижросидаги ''Алла'' қўшиғи билан бошланди. Сўнгра ретро қўшиқлар кетма-кетлиги уланди. Саҳнада Алишер Рўзметов, Отабек Муталҳўжаев ҳамда Ёдгор Мирзажонов ''Дилбарим'' таронасини биргаликда ижро этдилар.
''Мафтунингман'' кинофильмидан Oйбек ва Нигора ҳамда ёш истеъдодли хонанда Музаффар Мирзараҳимов иштрокида саҳна кўриниши намойиш этилиб, барчани кўнглидан ўрин эгаллаган ''Мафтун бўлдим'' , ''Маҳаллада дув-дув гап'' фильмида янграган қўшиқларни ижро этишди.
Ниҳоят, концертнинг асосий қисми бошланиб 2014 йилнинг энг сара ва энг хит тароналари эгалари саҳнага бирин-кетин чорланди. Марҳамат танишинг.
Отабек Муҳаммадзохиднинг ''Телба денглар'' қўшиғи, матн ва мусиқа муаллифи хонанданинг ўзи. Мукофотни Ўзбекистон ҳалқ артисти Зулайҳо Бойҳонова топширди ва ''ЭлДиДо'' гурухи билан бирга ''Ҳай-ҳай'' таронасини куйлашди.
Алишер Файз ''Ёлғон эканку'', шоир Насрулло Садрий, бастакор Фазлиддин Раҳмонов. Таниқли шоир Бобур Бобомурод мукофотни топширди.
Зиёданинг “Севади ёрим мани” таронаси. Баҳодир Низамов сўзи, Умид Обидов мусиқаси. Саҳнада Алишер Файз тақдирлади.
Шоҳрухҳон ''Менинг кўшиғим'', сўзлари хонанданинг ўзига тегишли, мусиқасини Жасур Бадалбоев басталаган. Мукофотни Райҳон топшириб, муборакбод этди.
Райҳон ''Излама'' таронаси, шоира Зуҳра, бастакор Убайдулла Каримов. Мукофот топшириш учун таниқли композитор Шуҳрат Зокиров чиқди.
Сахнада ''Диёр'' гурухи жуфтлиги ўз қўшиғи билан концертга янада файз киритди.
Дилфуза Раҳимованинг ''Лелей'' таронаси, шоир Суҳроб Раҳимов, бастакор Азиз Авезов. Маҳмуд Номозов мукофотлаб, ўз қўшиғи билан кечагани давом эттирди.
Баҳром Назаров ''Айрилдим'' сўзи Ҳушнуд Дарвеш, мусиқасини хонанданинг ўзи басталаган. Мукофотлаш учун Ўзбекистон ҳамда Қоракалпоғистон ҳалқ артисти Озодбек Назарбеков чиқди. ''Лола'' қўшиғини ижро этиб, томошабинларни ҳушнуд этди.
''Уммон'' гурухининг ''Эслаб қол'' матн ва мусиқа муаллифи гурух аъзоси Зоҳид Рисқиев. Мукофотни ''Шарқ'' вокал чолғу ансамбли тақдим этди. ''Палов'' қўшиғи ва кичик саҳна кўриниши намойиш этишди.
Шаҳзоданинг ''Қайнона'' қўшиғи, шеърини Комил Фозилов, мусиқасини Калин Марару яратган. Мазкур хит тарона учун ''Келинлар қўзғалони'' кинофильмидан саҳна кўриниши намойиш этилди. Тақдирлаш учун Жаҳонгир Фозилжонов чиқди ва ''Тўйлар муборак'' қўшиғи учун у ҳам мукофотланди. Ботир Алиев сўзи, Элдор Қаюмов мусиқаси. Ўзбекистон ҳалқ артисти Гулсанам Мамазоитова мукофотлади.
Барча ғолиб тароналар учун ''Йил қўшиғи-2014'' статуэткалари топширилгач, тақдирланган санъаткорлар саҳнага жам бўлиб ''Йил қўшиғи'' гимнини куйлашди.
Райҳон:
- Бугунги мукофот учун аввало ''Излама'' қўшиғимнинг муаллифларидан миннатдорман. Композитор ва аранжировкачи Убайдулла Каримовга алоҳида ташаккуримни билдираман. Бу таронам мен учун жудаям қадрли. Айтиш лозимки, ҳар бир ижодим маҳсули фақат мухлисларим учун уларнинг меҳри мени илҳомлантиради. Мухлисларимни концертимда кутиб коламан.
''Ниҳол'', ''Эътироф-2013'' мукофотлари ҳамда ''Шуҳрат'' медали сохибаси Зиёда:
- ''Севади ёрим мани'' қўшиғим ва унга ишланган видеоклипни яратилишида жуда кийинчиликларга дуч келганман. Бугунги соврин ҳамма машаққатларим учун олий мукофот, деб биламан. Ҳар бир ижодкор учун унинг меҳнати қадрлангани катта бахт. ''Йил қўшиғи-2014'' мукофоти мен учун энг қувончли онларни ҳадя этди, бунинг учун ташкилотчиларга рахмат.
''Йил қўшиғи-2014'' тақдирлаш маросими бу йил илк бора ўтказилди. Бу эса ҳали келаси йиллар давомида бундан-да ажойиб концерт дастурлари намойиши давом этиши ва йилдан-йилга хит тароналар сараланишининг илк дебочаси, десак муболаға бўлмайди. Барча ғолибларни сайтимиз ижодкорлари номидан муборакбод этамиз ва дилтортар, хит тароналар кутиб қоламиз.
