“Ўзбегим Таронаси” радиосида “Сенинг танловинг” лойиҳаси давом этмоқда

“Сенинг танловинг” радиолойиҳаси хонандаларимиз орасида анча оммалашган. Ушбу лойиҳанинг 2-мавсум 8-тур ғолиби яқинда аниқланди. 

Натижаларга кўра, “Замон” гуруҳининг “Фироқ” номли қўшиғи лойиҳа ғолибига айланиб, шу тариқа, лойиҳанинг 9-турига старт берилган. Лойиҳа оммалашгани сайин унда иштирок этиш истагида бўлагн ҳонандалар сони ҳам кескин ошиб бормоқда. 9-турда Замира Бешимова “Алвидо”, Аброр Муродов “Раъногинам”, “Осиёнаво” гуруҳи “Ойбодоқ”, “Ретро” ансамбли “Севгилим”, Шоҳруҳ Мирзо “Йиғлама”, Достон Турдиев “Вой омон”, Алишер Зокиров “Дўст бўлиб қол” тароналари билан иштирок этмоқда. “Сенинг танловинг” лойиҳасида ўз севган қўшиғингизга овоз беришни истасангиз, ҳафтанинг 3 кунида соат 22:00 дан тунги 00:00 гача “Ўзбегим Таронаси” радиосига қулоқ тутинг ва севимли хонандангизни қўллаб-қувватланг!