Сардор Раҳимхондан баҳорий туҳфа

Ўзбекистонда хизмат кўрсатган артист Сардор Раҳимхон  мухлислари учун  атаган баҳорий совғаси тайёр эканини маълум қилди. Баҳорнинг илк ҳафтасида сотувга чиқиши кутилаётган янги альбом халқимиз учун муносиб туҳфа бўлади десак, янглишмаймиз. Мазкур альбом мухлисларнинг талаб  ва истакларига биноан "Меҳр" деб номланди.  Ундан сара ва дилга яқин тароналар билан бирга, янги қўшиқлар ҳам ўрин олган. Шулар қаторида "Санамжон" композициясининг рус тилидаги талқини ҳам мавжуд. Қўшиқнинг янги талқини "Принцесса Лейли" деб ном олди.  Ўйлаймизки, хонанда тайёрлаган совғалар мухлисларга манзур бўлади.