Бир кунда қариб қолган Улуғбек Раҳматуллаев барчасига ойдинлик киритди

Ўзбекистонда хизмат кўрсатган артист Улуғбек Раҳматуллаев инстаграм ижтимоий тармоғи орқали бир нечта кутилмаган фотосуратларини тақдим қилди. Суратларда хонанданинг бироз кексайган, қариб қолган ҳолати акс этган эди. Бу фотосуратлар унинг мухлисларини хавотирга солиб, кўплаб муҳокамаларни келтириб чиқарди. Шов-шувларга сабаб бўлган бу фотосуратларга ойдин киритди ва барча саволларга жавоб бериб, хавотирга ўрин йўқлигини айтиб ўтди. Маълумотларга қараганда, унинг бу кўриниши янги лойиҳа учун яратилган ва ўзи орзу қилган ва кутган образларидан биридир. Бу суратлар хонанданинг "Қизалоғим" қўшиғи учун суратга олинаётган видеоклипидан тақдим этилган суратлардир. Клип Ёдгор Носиров билан ҳамкорликда суратга олинмоқда. Демак, хавотирга асло ўрин йўқ. Яқин кунларда Улуғбек Раҳматуллаевдан янги ижод намунасини кутиб қолинг.