Алишер Узоқов касбини яна ўзгартирди

Кино оламининг маҳоратли актёрларидан бири, режиссёр Алишер Узоқов ўз касбини яна ўзгартирганини ошкор этди. Асли актёр бўлиб танилган, кейин эса режиссёрлик ва хонандаликда ўзини синаган Алишер Узоқов маълумки, спорт соҳасида ҳам ўзини синаб кўриш мақсадида санъатни тарк этган эди. Шунга қарамай, бундан бир неча ой илгари уни “Кузда гуллаган дарахт” фильми орқали яна экранларда кўрган эдик. 

 

Сўнгги кунларда спорт соҳасида ҳам,  санъат соҳасида кўринмай қолган актёр эндиликда шоирликка қўл урганини “Stand up show” концерт дастурида маълум қилди ҳамда бунинг исботи сифатида ўз ижодидан тўрт мисра шеър ҳам айтиб берди. Бироқ, мухлислар уни кино соҳасига қайтишини кўпроқ исташаётгандек. Концерт дастуридан сўнг мухлисларнинг “Кинога қайтсалар яхши бўлар эди. Уларни яна кинода кўришни хоҳлардик” деган фикрларини гувоҳи бўлдик. Серқирра ижодкор Алишер Узоқов шоирлик соҳасида ҳам юксак чўққиларни забт этса ажаб эмас. Балки мухлисларнинг талаб ва истакларини на бир бор кўриб чиқар. Aлбатта буни вақт кўрсатади. Демак, кузатишда давом этамиз.