Афсонанинг “Дулли”сига баҳо беринг

Сўнггги вақтларда кетма-кет янги қўшиқлар яратиб, уларга ишланган бир-бирига ўхшамас видеоклипларни мухлисларини куттирмаган ҳолда тақдим этаётган Афсона бир дақиқа ҳам ижоддан тинмаяпди. Яқиндагина хонанданинг янги "Дулли" таронаси учун видеоклип суратга олинаётгани ҳақида хабар бериб, фоторепортаж ҳавола этгандик. Мана бугун ана шу қўшиқ FM101.0 тўлқинида премьера этилди.

Радиотингловчилар томонидан илиқ кутиб олинган "Дулли" композициянинг матни Ўктам Давлетов томонидан ёзилган. Мусиқаси муаллифи Фарруҳ Соҳиб, аранжировкани эса Фурқат Қурбонов амалга оширган. Аслида, "Дулли" хоразмча сўз бўлиб, турли, деган маънони билдирар экан. Афсона нима учун бу мавзуда куйлаганини эса қўшиқни тинглаб билиб оласиз.

Мазкур қўшиқ учун режиссёр Музаффар Юсупов бошчилигида тасвирга олинган видеоклип ҳам тайёр холга келган. Тез кунда видеоклип премьерасидан баҳраманд бўласиз.