Фарҳод ва Шириндан янги клип премьераси
Эстрадамизда кўзга кўринган дуэт ижодкорлардан бири Фарҳод ва Ширин ўзига хос куй-қўшиқлари ва ранг-баранг видеоклиплари билан ижодини бойитиб боришмоқда. Сайтимизда мазкур дуэтнинг энг сўнгги яратган видеоклипи премьера этилмоқда.
Юртимизнинг қадимий ва гўзал шаҳарларидан бири Бухоронинг хушманзара гўшаларида тасвирга олинган видеомаҳсулот Фарҳод ва Шириннинг “Севгилим” номли таронаси учун яратилган.
Мухлисларга таниш бўлиб улгарган мазкур композициянинг шеъри шоир Бобур Бобомурод қаламига мансуб, мусиқасини Воҳид Қадимов басталаган. Аранжировка ишларини эса Жалол Сайфуллаев амалга оширган.
Ранг-баранг кадрларга бой клипни “9999” студияси режиссёрлари Ҳуршид ҳамда Нодир Собировлар тасвирга олганлар.
Ҳамиша навқирон ва кўркам Бухоро шаҳридаги барчага маълум ва машҳур масканларга ўзгача нигоҳ билан қараш имконини берувчи ажойиб видеони томоша қилиб, баҳраманд бўлишингиз мумкин.