Райҳоннинг «Азобдаман» клипини томоша қилдингизми?

Бир неча кун олдин эстрадамизнинг беқиёс юлдузи Райҳон янги «Азобдаман» номли видеоклипини мухлисларига тақдим қилди. Ушбу клип аввал хабар берганимиздек «Алдандим» таронасига ишланган видеоклипнинг давоми саналади. Видео асар Нажот Агзамов билан ҳамкорликда суратга олинган. Унда Муҳаммад Али Алиев, Ситора Фармонова бош ролларни ижро қилган. Қўшиқнинг сўзи ва мусиқаси муаллифи Миржалол Неъматов. Аранжировка устида Жасур Бадалбоев ишлаган. 6 январь куни Youtube тармоғига жойланган ушбу клипни кўрганлар сони бугунги кунгача қарийиб 1 миллион. Клипни томоша қилишга улгурмаган бўлсангиз ҳозироқ кўринг ва баҳо беринг.