Нилуфар Усмонова яна бир ниятига етди

Ўзбек эстрадасининг гули Нилуфар Усмонова яна бир нияти амалга ошганини маълум қилди. У куни кеча паралимпия чемпиони Асила Мирзаёрова билан учрашди. “ Мен айнан шу қиз билан учрашишни ният қилгандим. Ҳаммамиз бу қизнинг иштирокидан фахрланиб, ғурурландик.  Асиланинг ютуғи, бизни жудаям тўлқинлантирди. Ҳаттоки фарзандларимни ҳам таъсирлантириб юборди. Улар билан учрашганимдан бошим кўкка етди” – деди Нилуфар Усмонова берган маълумотида. Биз ҳам хонандага қўшилиб, барча паралимпия чемпионларини яна бир карра табриклаймиз.