Лола ўзи ҳақидаги миш-мишларга жавоб берди

Латофатли Лола хабарингиз бор, оиласи билан Москва шаҳрида истиқомат қилмоқда. Яқиндагина юртимизга келиб кетгани ҳам маълум. Унинг Тошкентга келиши одамлар орасида миш-мишларни келтириб чиқарганди. 

Бугун хонанда инстаграм ижтимоий тармоғи орқали мухлисларидан ўзи ҳақида эшитган охирги миш-мишлар ҳақида сўради. Унинг кузатувчилари томонидан қолдирилган миш-мишларнинг аксарида, гўёки Лола турмуш ўртоғи билан ажрашган ва  Ўзбекистонга қайтган.  “Йўқ, мутлақ ёлғон. Бизда ҳаммаси яхши ва бахтлимиз”- дея илк келган мурожаатни жавоблаган бўлса, худди шу мавзудаги миш-миш эшитган бошқа бир кузатувчисига “Мени Тошкентга боришим мумкин эмасми? Мен доимий равишда бориб келаман. Бу дегани ажрашганим ёки қайтганим дегани эмас.  Тошкентда  менинг уйим, онам,  ишим ва яқинларим бор” – дея ойдинлик киритди.  Ўйлаймизки, бу жавоблардан сўнг халқ ичида тарқалган миш-мишларга ўрин қолмайди. Лолага омад тилаб,  янги ижод маҳсулларини кутиб қоламиз.