Юлдуз Усмонованинг концертида Нилуфар Усмонова ва Ҳалима шоки
Куни кеча Ўзбекистон халқ артисти Юлдуз Усмонованинг концерт дастурига старт берилгани ҳақида маълум қилган эдик. Баҳорий кайфиятда бошланган дастурнинг илк кунидан кўра иккинчи куни сюрпризларга бой бўлди десак адашмаймиз. Концертда Нилуфар Усмонова бек вокалчилар қаторида тургани кўпчиликка маълум. Куни кеча концертга ташриф буюрганлар кутилмаганда Нилуфар Усмоновани жўр бўлиб саҳнага чорлашди. Бу чақирувдан сўнг хонанда созандалар қаторидан саҳнага тушди. Юлдуз Усмонова билан бирга дастурдан ташқари бўлган тўртинчи қисм қўшиқларини томошабинлар ичида биргаликда куйлади. Қолаверса дастурда қизиқчи, актриса Ҳалимахоним ҳам иштирок этди. Шукурулло Исроилов билан бирга ўз ҳазил мутойибалари билан томошабинларга аъло кайфият улашди. Ҳалимахонимнинг иштирокини ҳам мухлислар давомли олқишлар билан қарши олишди. Эслатиб ўтамиз, концерт 25 мартгача давом этади.