Бунёдбек Саидовдан мухлисларини хурсанд қилган концерт хабари

Хушовоз хонанда Бунёдбек Саидов ўтган икки кун мобайнида Бухорода концерт дастури билан меҳмон бўлди. Аммо сизга ҳозир Бухородаги эмас, бошқа концерт хабарини улашамиз. Бунёдбек Саидовнинг ўтган йилда қолдирилган концерт дастури жорий йилда бўлиб ўтиши маълум қилинди. Концерт 21, 22, 23, 24 май кунлари “Халқлар дўстлиги” саройида бўлиб ўтади. “Деярли ҳар куни чипта ҳарид қилган ва ҳар йили концертимизга келадиган мухлисларимиздан “Концерт қачон бўлади” деган савол келарди. Мана ниҳоят дастуримиз кунлари аниқ бўлди. Сотиб олинган чипталар амалда” – дейди хонанда Бунёдбек Саидов. Маълумотларга қараганда концерт кунларига яна қўшимча кунлар қўшилиши мумкин. Ўйлаймизки, концерт ҳар йилгидек файзли бўлади.