Шоҳруҳхон Дубайда клип олмоқчи

Халқимизнинг севимли хонандаси Шоҳруҳхон маълумки шу кунларда оиласи билан Дубай шаҳрида. Шоҳруҳхон қишги таътилда бўлишига қарамай, берилган имкониятдан унумли фойдаланмоқчи. Дубайда у мухлислари учун клип суратга олдириш пайида. Дам олишда бўлса ҳам Шоҳруҳхон мухлисларини ўйлайди. Олган қарори бунинг яққол исботидир. Навбатдаги видеоклипни ҳам доимий ҳамкори Дилмурод Агзамовга ишониб топширган. Ҳозирда клип учун қаҳрамон қиз қидирилмоқда. Шоҳруҳхоннинг ҳар бир ижод маҳсули халқимизга бирдек ёққан ва навбатдагисида ҳам худди шундай натижани кутиб қоламиз.