Фарруҳ Комиловдан рақсбоп таронани қарши олинг!
Бугун “Ўзбегим таронаси” радиосида эстрадамиз ёрқин юлдузи Фарруҳ Комиловнинг янги қўшиғи премьера қилинди.
“Қирқ кокил” деб номланувчи бу тарона шўх-шодон кайфият улашувчи қўшиқ бўлиб, премьерани тингловчилар ҳам илиқ кутиб олишди.
“Қирқ кокил” таронасининг матн ва мусиқа муаллифи - истеъдодли ижодкор Элдор Қаюмов, аранжировкачи – Жасур Бадабоев.
Мазкур тарона премьерасидан сўнг Фарруҳ Комиловнинг мухлислари қўнғироқ қилиб, ўзларининг таассуротлари билан ўртоқлашдилар.
СМС марказига келиб тушган хабарларда ҳам қўшиқ борасида фақат ижобий фикрлар йўлланиб, Фарруҳ Комиловнинг ижодий фаолиятига яхши тилаклар билдиришди.
Маълумотларга кўра, “Қирқ кокил” таронасига клип суратга олиш ишлари ҳам бошлаб юборилган. Янги қўшиқ учун клип Санжар Маткаримов томонидан тасвирга олинмоқда.
Тез кунларда Фарруҳ Комилов мазкур рақсбоп таронага ишланган видеоклипни мухлислари эътиборига ҳавола этиш ниятида.