Сабинадан янги қўшиқ премьераси

Хонанда Сабина "Қоқинаман" таронасини тақдим этиб, мухлисларини хушнуд қилди. Мусиқий асар унинг репертуаридаги кайфиятни кўтарувчи, тингловчилар эътиборини тортадиган ижод маҳсулларидан бири ҳисобланади. Сабина мазкур композицияни яратишда ўз ишининг усталари бўлган истеъдодли ижодкорлар билан ҳамкорлик қилган бўлиб, сўзи ва мусиқа муаллифи Фазлиддин Раҳмоновга, аранжировкаси эса Аҳлиёр Азимовга тегишли. Қўшиқ халқимизга ёқишига ва мухлислар қалбини забт этишига умид қиламиз.