“Караван” ансамблидан романтик руҳдаги клип премьераси
Бу гуруҳнинг қўшиқлари кўпчиликка яхши таниш. Айниқса, халқимизнинг яхши кунларида доим хизматда бўлувчи гуруҳ аъзолари сокин руҳдаги янги таронани тақдим этишди.
“Люблю” дея номланган ва рус тилида куйланган қўшиқ тингловчига романтик кайфият баҳш этади.
Инсонлар қалбида мангу яшовчи меҳр-муҳаббат тараннум этилган қўшиқ матни Гавҳар Шариповага тегишли. Аранжировка Фарруҳ Камолов томонидан тайёрланган.
Қўшиқ илк марта “Ўзбегим Таронаси” радиоси рус эфирида премьера сифатида тақдим этилди. Бу қўшиқ тингловчиларга ҳам маъқул келганлигини уларнинг фикрларидан билиш мумкин.
Бугун сайтимиз орқали нафақат янги таронани, балки унга ишланган видеоклипни ҳам эксклюзив тарзда эътиборингизга ҳавола этамиз.
Нафис тасвирлар томошабинга романтик кайфият улашади. Сюжет ҳамда трек йўналишидаги видео қалбингизни гўзал туйғуларга тўлдирса ажаб эмас. Дилмурод Агзамов томонидан тасвирга олинган клип айниқса, юраги муҳаббатга тўла томошабинлар учун мосдир.
Томоша қилинг ва баҳо беринг!