Юлдуз Турдиева тез кунда янги қўшиқларини тақдим этади

Ўзбекистонда хизмат кўрсатган артист Юлдуз Турдиева шу кунларда қизғин ижод уммонида. Хонанда бир нечта янги тароналар устида иш олиб бормоқда. Тез кунларда премьераси кутилаётган қўшиқлардан бири "Муҳаббат" деб номланади. Хонанданинг берган маълумотларига кўра мазкур мусиқий асар Тимур Раҳмонов билан ҳамкорликда яратилмоқда. Шунингдек, Огаҳий ғазали билан "Раҳм эт" номли композиция ҳам деярли тайёр. Бу ҳали ҳаммаси эмас. "Мени унут" қўшиғига ишланган видеоклипни давоми суратга олиниши учун ҳам аллақачон тайёргарлик ишлари бошлаб юборилган.