Нилуфар Усмонова янги клип суратга олдирди

Эстрадамиз юлдузи Нилуфар Усмонова янги видеоклип тасвирга олдирди. Клип хонанданинг янги "Одамлар" номли таронаси учун суратга туширилди. Клип сюжетдан иборат. Мазкур клипда ижодий жамоа билан бирга 100 дан ортиқ  киши иштирок этди. Съёмка жараёнлари пойтахтимиздаги бир нечта масканларда бўлиб ўтди. Режиссёр  Сарвар Исаев. Оператор Рустам Муродов. Тарона ҳақида тўхталадиган бўлсак, қўшиқ Ҳамдам Собиров билан ҳамкорликда яратилган. Бу ижодкор билан Нилуфар Усмонова биринчи марта ҳамкорлик қилди. Аранжировкаси устида Жасур Бадалбоев ишлаган. Қўшиқ ва клип тез кунларда мухлисларга намойиш этилиши режалаштирилган.