Ёш ижодкор Сабина Турсуновадан премьера

“The Cover Up” лойиҳасининг 3 мавсуми орқали кўпчиликка таниш бўлган Сабина Турсунова янги қўшиғи ва унга ишланган видеоклипини тақдим қилди. Тарона "Атрофимда" деб номланади. Қўшиқ илк жарангидаёқ илиқ фикрлар билан кутиб олинди. Ушбу ижод маҳсулининг муаллифларига тўхталадиган бўлсак, сўзи ва мусиқаси Сабина Турсуновага тегишли. Аранжировкасини эса Азиз Жабборов ишлаган. Клип режиссёри Ваҳоб Норбўтаев.
Маълумот учун, Сабина Турсунова Ботир Зокиров номидаги жаз оркестрининг солисти. У Чехия ва Россияда ўтказилган Халқаро мусобақаларнинг 3 карра лауренти, унда Гранпри, биринчи ва иккинчи ўринларни қўлга киритган.