Уммон гуруҳи икки кишилик таркибдаги илк янги фотожамланмасини тақдим этди

Уммон гуруҳи икки кишилик таркибда ўз фаолиятини олиб бормоқда ва улар Зоҳидсиз илк қўшиқларини ҳам яратишга улгуришди. Яқин кунларда премьера қилинадиган "Йиғлама юрак" қўшиғи учун видеоклип ҳам тасвирга олиш режалаштирилган. Уммон гуруҳи солисти Шоҳруҳнинг сўзларига қараганда, гуруҳ ижодкорлари клипни  маҳоратли клипмейкер Дилмурод Агзамов билан ҳамкорликда суратга олишади. Айни дамда съёмка жараёнлари учун тайёргарлик ишлари олиб борилмоқда. Бу ҳали ҳаммаси эмас. Уммон гуруҳи янги фотосессия ҳам тайёрлаб, мухлислари эътиборига ҳавола этишди. Гуруҳ вакиллари янги ғоялар, қўшиқ ва клиплар билан халқимизни  қувонтиришни ният қилишган. Бу йўлда уларга омад тилаймиз.