Райхондан “Ажабо”

Ўзбекистонда хизмат кўрсатган артист Райҳон бугун мухлислари ҳукмига янги ижод намунасини ҳавола қилди. Унинг навбатдаги таронаси “Ажабо” деб номланган бўлиб, қўшиқ ижобий фикрлар билан қарши олинди. Хонанда мазкур шўх ва рақсбоп композицияни яратишда Шахбоз Носиржонов ва Жасур Бадалбоев билан ҳамкорлик қилди.

Бу ҳали ҳаммаси эмас. Райҳон ушбу мусиқий асар учун ажойиб видеоклип ҳам тасвирга олдирган бўлиб, у барчага юқори кайфият улашиши тайин. Қўшиқ ва клип премьераси Райҳоннинг мухлисларига қувонч бағишлади десак муболаға бўлмайди. Клипни Бахтиёр Сафаров тасвирга олган. Оператор Илхом Махкамов.