Райҳон “Томчи” альбомининг тақдимотини ўтказди

Ўзбекистонда хизмат кўрсатган Райҳон навбатдаги альбом тақдимотини ўтказди. Унинг янги альбоми “Томчи” деб номланади. Тақдимотга ОАВ ходимлари, хонанданинг ашаддий мухлислари ва фан клуби ташриф буюришди. Райҳон тақдимот аввалида альбом ҳақида тўхталиб ўтди. Сўнгра ижодий янгиликларини бўлишди.

Бу альбомнинг бошқаларидан фарқи, ундаги кўпгина дуэтлардадир. Хонанда барча дуэтдошларига, жумладан, Муниса Ризаева, Сардор Раҳимхон, Жаҳонгир Позилжонов, Зиёда, Ҳалимахон, Шаҳриёр, қолаверса  “Томчи” альбомидан ўрин олган қўшиқлар муаллифи Якзон, Жасур Бадалбоев, Шахбоз Наврузга ҳамкорлик учун тақдимот давомида алоҳида миннатдорчилик билдирди.