Шарқ гуруҳидан илк яккахон концерт!

 

Такрорланмас, дилга яқин қўшиқлари билан халқимизнинг севимли гуруҳига айланган Шарқ гуруҳи  аъзолари Сарвар ва Татьяна  2008 йил биргаликда ижод қилишни бошлашган эди. Буни қарангки,  бир зумда орадан 10 йил ўтибди. Шу муносабат билан Шарқ гуруҳи 13 апрель куни "Истиқлол" санъат саройида илк яккахон концерт дастурларини намойиш этишни лозим топишди. "Икки юрак" номли бу дастур гуруҳнинг биринчи концерти бўлишига қарамай, жонли ижрода бўлиб ўтади. Дастурдан 10 йил мобайнида куйланган қўшиқлар, янги тароналар жой олиши кўзда тутилган. Ўйлаймизки, концерт аъло даражада бўлиб ўтади. Омад тилаймиз.