Беном гуруҳидан янги лойиҳа "Чунки бу биз"

"Benom Media" жамоаси ва "Shoxona Creative Group" билан ҳамкорликда янги "Чунки бу биз" деб номланган лойиҳага қўл уришди. Жамоанинг ҳар бир аъзоси суратга олиш ишлари билан ўта банд бўлганлиги сабабли, улар билан боғланиб, бу янги клипми, янги трилогиями ёки навбатдаги концерт учун суратга олинаётган фильмми аниқ маълумот олиш имкони бўлмади. Бироз муддатдан сўнг албатта бунга аниқлик киритиб, батафсил маълумотларни  тақдим этамиз. Ҳозирча, бизга шу нарса маълумки,  "Чунки бу биз" лойиҳасида, "Бир муҳаббат қиссаси" трилогиясининг бош қаҳрамони Наргиз Гулмуҳаммедова  иштирок этмоқда. Шу билан бирга Беном гуруҳининг "Бахтли бўл" клипининг бош қаҳрамони Ойбек Муқимов ҳам бу лойиҳага жалб қилинган.