МАНЗУРА ШАКИРА БИЛАН ДУЕТ КУЙЛАГАНМИ?

Яқиндагина чет эл сафаридан қайтган латофатли хонанда Манзура “Асра бахтимизни” номли таронасининг янгича “Remix” варианти билан “Ўзбегим таронаси” радиоси меҳмони бўлди. 

 

Матни шоира Гавҳар Шарипова қаламига мансуб қўшиқнинг мусиқа ва аранжировкасини Жасур Бадалбоев тайёрлаган. Кўтаринки кайфият бахш этувчи таронанинг янгича “Remix” варианти чинданда сизни рақсга чорлайди. Бошловчи Диломурод Ғуломов билан бўлган суҳбат жараёнида хонанда кўплаб савол ва миш-мишларга ҳам ойдинлик киритди. Чет эл сафарида Манзура Шакира билан дует куйлаган деган турли хабарлар тарқалган эди.

 

Хонанда буларнинг барчасига ойдинлик киритди. Аслида Манзура чет элга маданий ҳордиқ олиш учун кетган. Шакира билан дует куйлади деган гап эса бу шунчаки миш-миш. Аммо... 

 

Аммо тез кунларда истеъдодли ижодкор билан янги дует тарона тақдим этилади. Бу ҳақда кейинроқ батафсил маълумот берамиз. Бизни кузатишда давом этинг.

 

 Ҳозирча эса “Асра бахтимизни” қўшиғининг “Remix” вариантидан баҳраманд бўлинг.