Тарона шоу янги йил галаконцерти бўлиб ўтди

23, 24 декабрь кунлари “Истиқлол” санъат саройида Тарона шоу янги йил галаконцерти бўлиб ўтди. Юлдузларга бой бўлган мазкур концерт аъло даражада ўтди. Концертга ташриф буюрганларга севимли хонандалари байрам кайфиятини улашишди. 

Янги йилга бағишлаб ўтказилган галаконцертда машхур хонандалар билан умидли ижодкорлар ҳам иштирок этишди. Концертда Шаҳзода “Love you”, Сардор Раҳимхон “Умидвор юрак”, Муниса Ризаева “Аламим бор”, Шоҳруҳхон “Ёнингдаман”, Нилуфар Усмонова “Дема дема”, Райхон “Ҳамма жам”, Зиёда “Ўйна”, Умидахон “Ана энди”, “Афруз гуруҳи “Салима”, Лола “Кетавер”, Беном гуруҳи “Бахтли бўл” қўшиқлари билан, шунингдек, Саида, Ягона, Виа Мароканд, Уммон гуруҳи ва бошқалар ўзларининг дилтортар тароналарини ижро қилиб, мухлисларини хушнуд этишди. Қолаверса ҳар бир хонанда концерт меҳмонларини янги йил билан алоҳида қутлаб, ўзларининг яхши тилакларини билдириб ўтишди.