Юлдуз Усмонова “Сен ва мен учун” номли яккахон концерт дастурини тақдим этади

Ўзбекистон халқ артисти, халқимиз ардоғидаги санъаткор Юлдуз Усмонова 2018 йилда бўлиб ўтадиган концерти кунларини маълум қилди. Янги дастур “Сен ва мен учун” деб номланган бўлиб, 10 мартдан 24 мартгача “Истиқлол” санъат саройида бўлиб ўтади. Ўтиб бораётган йилда ўтказилган “Эй азиз инсон” номли концерт халқимиз учун катта совға ва унутилмас дастур бўлгани ҳеч кимга сир эмас. Кутилаётган концерт эса, халқимизнинг севимли санъаткоридан баҳорий ва такрорланмас туҳфаларидан бўлишига шубҳамиз йўқ.