Улуғбек Раҳматуллаевнинг "Соғинч фасли"га старт берилди

Маълумки, Ўзбекистонда хизмат кўрсатган артист Улуғбек Раҳматуллаев 8 ноябрдан 13 ноябргача "Соғинч фасли" номли яккахон концерт дастурини намойиш этади. Куни кеча мазкур концертга старт берилди. Илк куниданоқ файзли ва омадли ўтган дастур, томошабинларни қувонтирди. Сара ва хит тароналар, янги қўшиқлар, дуэтлар, кутилмаган совғалардан баҳраманд бўлган мухлислар Улуғбек Раҳматуллаевнинг самимий дастурини олқишлаб, унга тасаннолар айтишди. Ҳали олдинда яна бир неча кунлик концерт дастури бор. Дастур юқори кайфиятда, илк кундагидек мароқли ва мазмунли бўлишига шубҳамиз йўқ. Концерт ҳақида, унда янграган қўшиқлар, дуэтлар борасида албатта кейинги янгиликларимизда батафсил тўхталиб ўтамиз.