“Ким эдигу ким бўлдик, эртага қандай юксак марраларни эгаллашимиз керак” мазмунидаги тарғибот тадбирлари юзасидан ташкил этилган матбуот анжумани тўғрисида

“Ким эдигу ким бўлдик, эртага қандай юксак марраларни эгаллашимиз керак?” мазмунидаги тарғибот тадбирлари 25 июлдан Фарғона вилоятида бошланди.  Жорий йилнинг 26 июль куни “Ким эдигу ким бўлдик, эртаган қандай юксак марраларни эгаллашимиз керак” мазмунидаги тарғибот тадбирларини юқори савияда ташкил этиш ҳамда тадбир жараёнларини оммавий ахборот воситаларида ёритиш масалаларига бағишланган матбуот анжумани ташкил этилди.

Ташкил этилган матбуот анжуманида Маданият ва спорт ишлари вазирлиги Ижодкор ёшлар билан ишлаш бошқармаси бошлиғи Ж.Узаков, вилоят ҳокимининг биринчи ўринбосари Б.Пўлатов, Республика ва вилоят тарғибот гуруҳи аъзолари, тарғибот тадбирини ташкил этиш ва ўтказиш бўйича масъул бошқарма, корхона ва ташкилот раҳбарлари ҳамда 50 нафар вилоятдаги оммавий ахборот воситалари вакиллари иштирок этди.

Матбуот анжуманида вилоят ҳокимининг биринчи ўринбосари Б.Пўлатов сўзга чиқиб, барчани Мустақилликнинг 25 йиллиги билан табриклади. Ўтказиладиган тарғибот тадбирларини юқори савида ўтказишда тарғибот гуруҳи аъзолариг омад тилади.

Тарғибот гуруҳи номидан Ўзбекистон Республикаси халқ артисти Мирза Азизов сўзга чиқиб, тарғибот тадбири мақсади, ўтказилган вилоятлардаги ҳолатлар, тарғиботчилар учун тавсиялар, тадбирнинг аҳамияти тўғрисида йиғилганларга маълумотлар берди.

Шундан сўнг, оммвий ахборот воситалари вакилларининг тадбир ташкилотчилари билан тадбир жараёнлари тўғрисидаги савол-жавоблари бўлиб ўтди. Матбуот анжуманида вилоятда мавжуд 42 та газета ва журнал, Вилоят телерадиокомпанияси ва “Рухсор” телерадиоканали вакиллари ҳамда тадбирни ижтимоий тармоқлар орқали ёритиб борувчи “On-line team” аъзолари иштирок этди.

 

Ёшлар маданият ва санъат маркази матбуот хизмати