Ёш ижодкор Жаҳонгир Асраев янги видеоклип суратга олдирди

Бир нечта қўшиқлари билан халқимиз тилига тушган ёш ижодкор Жаҳонгир Асраев ижод қилишдан бир зум ҳам тингани йўқ.  У шу кеча кундузда яна бир таронаси учун видеоклип суратга олдирди. Композиция  "Муҳаббат" деб номланган. У Нодир Карим сўзи,  Умид Мамадалиев мусиқаси билан яратилган. Аранжировкаси Шерзод Озодовга тегишли. Видеоклип эса  Шуҳрат Мавлонов режиссёрлигида тасвирга туширилди. Мазкур видео асар яқин кунларда премьера қилиниши кўзда тутилган.