Қирғизистонда Ўзбекистон кунлари

Жорий йилнинг 5-8 октябрь кунлари Қирғизистонда Ўзбекистон маданияти кунлари ўтказилмоқда. Унда 75 кишидан иборат Ўзбекистон делегацияси иштирок этмоқда. Делегацияга Ўзбекистон Республикаси Маданият вазирининг биринчи ўринбосари Озодбек Назарбеков раҳбарлик қилмоқда.

Тадбирда Ўзбек санъат усталари иштирок этмоқда. Зулайҳо Бойҳонова, Улуғбек Раҳматуллаев, Райҳон, Юлдуз Турдиева, Яҳёбек Мўминов, Алишер Файз ва бошқалар куни кеча Бишкек томон йўл олдилар. Хонандаларимиз иштироки билан бирга, тадбир доирасида “Замонавий Ўзбекистон” номли тасвирий санъат кўргазмаси ҳамда ўзбек бадиий фильмлари намойиши ўтказилиши ҳам режалаштирилган.