Хонанда Шуҳрат Дарё жонли ижродаги концерт дастурини тақдим қилади

Хонанда Шуҳрат Дарё 25-26 октябрь кунлари «Истиқлол» санъат саройида ўзининг навбатдаги яккахон концерт дастурини тақдим қилади. «Шаббода» деб номланган дастурда хонанда ўзининг азалий анъанасига содиқ қолган ҳолда барча қўшиқларни жонли ижро қилади. Дастур меҳмони моҳир созанда Маъмуржон Зилолов бўлади. Дастурда хонанданинг янги ижод наъмуналари билан биргаликда, устоз санъаткорларнинг қўшиқлари, олтин меросимизга айланган ретро тароналар ҳамда италянча, испанча, ҳиндча, тожикча қўшиқлар ҳам куйлананиши режалаштирилган. Хонанда жонли ижро борасида бундан аввал ҳам «Туркистон» санъат саройида мухлислар имтихонидан аъло даражада ўтган.