ИЛҲОМ ФАРМОНОВДАН БИРДАНИГА ИККИ АЛьБОМ

Илиқ баҳор нафаси ила яна ижод оламига шаҳдам қадамлар билан илдамлаб кетган Ўзбекистонда хизмат кўрсатган артист Илҳом Фармонов 2014-йилги концерт дастурининг видео тўплами жамланган дискни сотувга чиқарди. 

Шунингдек, янги аудио альбом ҳам муҳлислари эътиборига ҳавола этилди. “Оҳанг медиа” билан ҳамкорликда чиқарилган “Шодланаман” номли аудио альбомни эндиликда бемалол мусиқа дўконларидан сотиб олишингиз мумкин бўлади. Бу иккала диск, яъни янги аудио альбом ҳамда концерт дастури туширилган альбом 24-май куни бир ватқнинг ўзида сотувга чиқарилди.

“Шодланаман” номли аудио альбомда жами 21 та янги қўшиқ ўрин олган.  

 

 Шу кунларда Илҳом Фармонов яна бир янги видеоклипни мухлислари эътиборига ҳавола этиш ниятида. Шу билан бир қаторда янги қўшиқлар гулдастаси ҳам сизу-бизни кутмоқда.

Булардан кетма-кет равишда баҳраманд бўлиб борасиз. Албатта, бу борада сайтимиз сизга яқиндан кўмак беради.