Элдидо гуруҳидан "Оппоғой"

Ўзининг дилтортар тароналари ва ижро маҳорати билан мухлислар қалбини забт этган Элдидо гуруҳи "Оппоғой" номли композициясини тақдим қилди. Мазкур мусиқий асар билан тингловчиларни хушнуд этишни истаган гуруҳ вакиллари, бунинг устидан чиқишди. Қўшиқ тингловчилар томонидан аъло даражада кутиб олинди. Ўз мухлисларини узоқ куттириб, соғинтириб, сўнгра янги ижод намунаси билан қувонтирадиган Элдидо гуруҳи ижодкорлари ушбу қўшиқни яратишда Баҳодир Низомов ва Умид Обидов билан ҳамкорлик қилишди. Ўйлаймизки, "Оппоғой" қисқа фурсатларда халқимиз орасида oммалашади ва энг талабгор қўшиқлардан бирига айланади.