Латофатли Лола тез кунда узоқ кутилган ижод маҳсулини тақдим этади  

Эстрадамиз юлдузи, латофатли Лола тез кунда халқимиз ҳукмига янги ижод намунасини тақдим этиш ниятида. Маълумки, у бироз муддат мухлислари сабрини синади. Айни дамда янги ижод маҳсулини узоқ кутган унинг ашаддий мухлисларининг боши хушхабардан кўкка етмоқда. Яқин кунларда премьера қилиниши кутилаётган тарона "Кетавер" деб номланган. Қўшиқ хонанданинг аввалги композициялари каби юракка яқин ва тингловчини ўзига ипсиз боғлайдиган туйғуларга бой бўлиши шубҳасиз. Лоланинг сўзларига қараганда бу қўшиқ, кутишга арзигулик ижод маҳсулларидан бири ҳисобланади ва у албатта тингловчиларни хурсанд қилади. Демак, кутамиз ва кузатамиз.