Тез кунда Улуғбек Раҳматуллаевдан янги видеоклип - "Зинкака - зинкак"

Ўзбекистонда хизмат кўрсатган артист Улуғбек Раҳматуллаев айни дамда янги видеоклипини тасвирга тушириш ишлари билан банд. Маълумки, хонанда ўтган йилги яккахон концерт дастурида бир нечта янги қўшиқлар куйлаган эди. Улар орасида хоразмча йўналишда куйланган "Зинкака-зинкак" қўшиғи мухлислар учун кутилмаган ижод намунаси бўлганди. Хонанда айнан шу композицияси учун видеоклип суратга олдирмоқда. Клип режиссёри маҳоратли клипмейкер Санжар Маткаримов. Тасвирчи эса ўз ишининг устаси Рустам Муродов. Клип учун махсус декорация яъни Хива шаҳридаги тарихий обидалар қурилди. Яратилаётган бу видео асарда Хиванинг нафасини ҳис қилишингизга ва Хоразмга ҳаёлан сайр этишингизга шубҳамиз йўқ.