Хонанда Жаҳонгир янги видеоклип суратга олдирди

Ёш бўлишига қарамай, санъат соҳасида кўпгина ютуқларга эришишга улгурган ва ўз истеъдоди билан мухлислари қалбидан жой эгаллаган хонанда Жаҳонгир яқиндагина тақдим қилган “Лола” қўшиғи учун видеоклип суратга олдирди. Икки кун мобайнида тасвирга туширилган видео асар клипмейкер Шерзод Умаров режиссёрлигида тасвирга туширилмоқда. Бу клипда ҳаммага таниш бўлган “Тўйлар муборак” фильмини янгича талкинда кўришингиз мумкин бўлади. Унда Саида Раметова, Жумадилла Раметов, Тўхтамурод Азизов, Асқар Ҳикматов, Дилшодбек Каттабеков, Аҳмад Темуров ва хонанданинг ўзи иштирок этмоқда. Демак, тез кунда Жаҳонгирнинг янги ижод маҳсулига баҳо берасиз. Ҳозирча суратга олиш майдончасидан тақдим қилинган фотосуратларни томоша қилинг.