Нилуфар Усмонова “Дадасини қизи” қўшиғи учун видеоклип суратга олдирди
Бир неча кун олдин янги “Арслоним” номли альбом тақдимотини ўтказган хонанда Нилуфар Усмонова тақдимот доирасида “Дадасини қизи” қўшиғи учун видеоклип суратга олдиргани ҳақида маълум қилган эди. Бугун сайтимиз орқали мазкур видеоклипни суратга олиш жараёни ҳақида батафсил тўхталиб ўтишни лозим топдик.
“Дадасини қизи” номли мазкур композиция тақдим этилгани кўп бўлмаган бўлса-да у халқимиз қалбидан муносиб жой эгаллаб келмоқда. Бу қўшиқнинг тингловчисига айланган мухлислар учун видеоклип кутилмаган совға бўлса ажаб эмас.
Қўшиқ учун режиссёр Сарвар Исаев ўзгача йўналишда видеоклип тасвирга олишга қарор қилди. Асли ўз тарихи бўлган бу таронанинг мавжуд бўлган ўтмишидан узоқлашган ҳолда, бутунлай янги ғоя асосида яратилаётган видеоклип кичик сюжетни ўз ичига олади. Асосан оилавий муҳит, оила аъзоларининг янги кутилаётган чақалоққа нисбатан бўлган соғинчи, меҳри, муҳаббати акс этаётган видеоклип ҳеч кимни бефарқ қолдирмайди. Унда хонанданинг ўзи ва фарзандлари бош ролни ижро этишган. Тасвирчи Рустам Муродов.
Айни дамда клипнинг асосий қисми суратга олиниб бўлинган ва монтаж ишлари олиб борилмоқда. Яқин кунларда видеоклип тайёр бўлади ва албатта биринчилардан бўлиб сайтимиз орқали томоша қилиш имконига эга бўласиз.
Ҳозирча тасвирга олиш жараёнидан тақдим этилган фотосуратлардан баҳра олинг.