“Маъсума” фильмининг тақдимоти бўлиб ўтди.

Янги йил арафасида кетма-кет кинофильмлар премьера қилинмоқда. Бу картиналар қаторига яна бир ўзгача фильм қўшилди. Ўзбек аёлларига хос вафо, садоқат, оилапарварлик ва фарзанд тарбиясига ўзини бахшида этиш сингари эзгу фазилатлар ҳақида ҳикоя қилинган “Маъсума” картинасининг намойиши бўлиб ўтди.

Режиссёр Ёлқин Тўйчиев томонидан яратилган ушбу тўлиқ метражли бадиий фильм «Ўзбеккино» Миллий агентлиги буюртмасига мувофиқ «Ўзбекифильм» киностудиясида суратга олинган.

Унда бош ролларда Шаҳзода Матчанова, Адиз Ражабов, Нигора Каримбоева ва бошқалар иштирок этган. Картинани сиз ҳам бугундан бошлаб, юртимиз кинотеатрларида томоша қилиш имконига эгасиз.