Шуҳрат Умар “На қилай” қўшиғи учун видеоклип тасвирга олдирди

Хонанда Шуҳрат Умар ҳам ҳамкасбларидан қолишмаган ҳолда, янги ижод намуналарини яратиш билан банд. Маълумотларга қарганда, Шуҳрат Умар Муҳаммадали Искандаров билан ҳамкорликда “На қилай” номли қўшиғига видеоклип суратга олдирди. Мазкур клипни “Етолмадим” қўшиғига ишланган клипнинг давоми десак ҳам бўлади. Хонанда унда ҳинд актёри Шоҳруҳхоннинг мухлиси образида намоён бўлади. Видео асарда Умид Искандаров ҳaмда Шерзод Бинни ҳам кўриингиз мумкин.

Эслатиб ўтамиз, “На қилай” номли қўшиқ Шаҳбоз сўзи билан яратилган. Мусиқаси Шуҳрат Умар томонидан басталанган. Аранжировкаси эса Жасур Бадалбоевга тегишли.