Умидахондан кутилган тарона ва клип намойиши - "Сафсата"
Хушовоз хонанда Умидахон ўзининг “Сафсата” деб номланган қўшиғи учун яратилган клипини тақдим қилди. Мазкур клип трейлери бир неча кун ичида ижтимоий тармоқларда оммалашиб кетди. Катта қизиқиш билан кутилаётган видео асарни биринчилар қаторида сайтимиз орқали томоша қилиш имконига эгасиз.
Унда сиз ажойиб севги қиссасини гувоҳи бўласиз. Биргина тушунмовчилик туфайли Шерзод Бин ва Умидахоннинг муносабатларига путур етай деб турганда, воқеалар буткул ўзгача тус олди.
Бу албатта клипда тасвирланган воқеалари бўлиб, сизларга манзур келади деб ўйлаймиз.
Тарона Элдор Қаюмов сўзи ва мусиқаси билан ёзилган. Жасур Бадалбоев эса мусиқий безак берган. Видео асар эса клипмейкер Дилмурод Агзамов томонидан суратга олинган. Марҳамат баҳра олинг ва баҳо беринг.