Шоҳжаҳон Жўраевнинг концерт дастури ҳақида батафсил

Ёшлар маданият ва санъат маркази томонидан йил давомида маданият ва санъат йўналишида истеъдодли ёшларни қўллаб-қувватлаш, уларнинг иқтидориларини намойиш этиш учун ижодий муҳит яратиш, анъаналарни тарғиб қилиш ва ривожланиш мақсадида бир қатор янги лойиҳалар ташкил этилиб, уларга минглаб аҳоли ва ёшлар жалб қилиниб келинмоқда.

Ўзбекистон Республикаси Маданият ва спорт ишлари вазирлиги Ёшлар маданият ва санъат маркази давлат унитар корхонасининг фаолият самарадорлигини ошириш, марказ томонидан ташкил этилаётган тадбирлар таъсирчанлигини янада кенгайтириш, марказ низомида белгиланган вазифаларни тизимли ташкил этиш мақсадида ҳамда марказнинг мазкур лойиҳаларидан бирини ижросини таъминлаш мақсадида жорий йилнинг 20-, 21-, 22-октябрь кунлари  соат 19:00 да “Истиқлол” санъат саройида эстрада хонандаси Шоҳжаҳон Жўраевнинг “Ким эдигу, ким бўлдик” деб номланган концерт дастури ўтказилмоқда. Хонанданинг мазкур концерти Мустақиллигимизнинг 25 йиллиги муносабати билан мухлисларга тақдим этилмоқда. Куни кеча старт олган концерт дастуридан дилга яқин тароналар жой олган. Шоҳжаҳон Жўраевга концертнинг қолган кунлари ҳам файзли ўтишини тилаб қоламиз.